能力覺醒－如何成為更好的樂手

RSS

有好些朋友玩樂器玩了一段時間，仍然停留在新手水平，覺得好難突破，而且玩來玩去有點沉悶，想學新嘅嘢又唔知係邊入手，好難掌握。如果係咁，就要留意，因為你的音樂生命沒有輸入就好容易失去熱情，會慢慢枯乾。唔想咁樣我哋就要俾啲輸入，可能學啲新嘅歌、新嘅技術使自己成為更好嘅樂手，以下是一啲分享希望幫助大家！

尋找資源

我想我哋每一個人都好清楚自己鍾意啲乜嘢，知道之後我哋就要去發掘一下點樣使自己能夠正確地學成，其實依家在我哋這個世代資源真係好豐富。曾經聽過70年代的結他大師是聽收音機學新歌的，但現在我哋好幸福了，可以上網睇片，聽到聲，download到樂譜，又或者到書店買書或者CD，仲可以請教老師。總之你要明白有什麼途徑可以正確咁清楚明白如何彈奏。

一定要爆Level

要完全掌握一個技術或者一完美表達一首歌，一定要非常熟練，熟練程度大致上可以分開幾個等級，新手級、中級、高級、表演級。頭腦明白係新手級，勉強彈到是中楷級，平穩正確係高級，很輕鬆很穩定地表達是表演級。唯有達到高級或者表演級先係完全掌握，學一首歌或者一個技巧千祈唔好只係停留喺新手級或者中級就算，目標係表演級！

集中火力突破點

要集中練習你唔認識嘅嘢，通常大部份嘅人坐低練習一首歌，會由頭開始彈，直至到一個難嘅地方就會停落嚟，由頭再開始在彈，再直至到頭先難嘅地方，但第二次可能行遠多少少，彈到自己覺得完全無信心，跟住又再重頭玩起… 你會唔會發覺呢個方式好似熟悉呢，即係話每次我哋就由起點開始，直至到困難嘅地方我哋會勉強前進，直至頂唔到，我們由頭開始。所以玩到一段時間你會發覺前邊果段超級熟，中段麻麻哋，後段冇乜力。一定要有目標，不只是享受自己已學到的音樂（頭段）。也要享受一些自己未掌握的地方，不過享受的方式唔同，困難的未掌握到的是透過慢慢進步而得到滿足。

打碎佢、拖慢佢

人不能一下子接受太多嘅嘢，所以我哋要將佢拆細，可能係分一段一段，又或者係一個小節一個小節，總之要你能夠掌握到有能夠舒服咁樣不斷慢慢重複，直至完全掌握，有研究表示，咁樣係最有效率嘅方法去處理一啲難嘅問題。

串連、加快

將一段段已掌握的段落，慢慢串佢，特別留意一啲接駁位，直至能夠好流暢彈奏，之後慢慢將速度加快，但不要只停留在正常速度，要玩到比正常速度快一點，這樣你回到正常速度，一定更有信心。

面對觀眾是到達表演及唯一的途徑

最後想分享一個年青人嘅故事，他是一個中二學生，一直上課表現一般，直至有一星期他上堂時技術飛猛進，所有人也察覺到，好奇問他發生了什麼事，原來他剛剛前幾天在一個聚會用ukulele彈唱了一首歌，所以他練習多了，而且奇妙地有機會rehearsal 了多次。首先他在家裏日夜練習，家人叫佢表演一下，他就戰戰兢兢的第一次表演；因為時間緊迫，他帶埋個ukulele返學校練習，老師見到，邀請他在班上表演一下，他再次戰戰兢兢地第二次表演；因為時間仲係好緊迫，放學坐小巴都不斷練習，估唔到小巴司機又叫佢彈一下，他再次一次戰戰兢兢喺小巴上表演一次。到正式表演他說已完全不怕，因為知道自己無論發生咩事都能夠完成到這首歌。